Rituale
per la Vestizione Religiosa.
I giovani si dispongono negli appositi banchi, indi si alzano in piedi e stanno con divozione e in ispirito di profonda umiltà. Uno legge la supplica:
Reverendissime Pater,
Rogamus te propter amorem Dei, Matris Nostrae Mariae, Reginae Apostolorum, Sancti Pauli Apostoli et omnium Sanctorum, quatenus nos ad habitum Piae Societatis Sancti Pauli admittere digneris: ad agendam poenitentiam emendandam vitam, Deoque fideliter serviendum.
Il Padre risponde:
Deo gratias! e rivolge loro un piccolo discorso. Indi, rivolto verso l'altare, continua:
V) Dominus vobiscum.
R) Et cum spiritu tuo.
OREMUS.
Deus indulgentiae Pater, qui severitatem tuae districtionis temperans, indulsisti, ne filius portet iniquitatem patris; et qui mira dispensatione, etiam malis bene utens, tuae
~
dignationis gratiam per eos frequenter operaris: quaesumus clementiam tuam ut his famulis tuis non obsistat, quod habitum Congregrationis, per nos, tanta ac tali re indignos accipiunt; sed ministerium, quod exterius per nos exhibetur, tu interius per donum Spiritus Sancti exsequaris. Per Dominum nostrum Jesum etc.
R) Amen.
I giovani si appressano all'Altare, tenendo ciascuno sul braccio sinistro l'abito, la fascia, la cotta. Il Padre li benedice:
V) Adiutorium nostrum in nomine Domini.
R) Qui fecit coelum et terram.
V) Sit nomen Domini benedictum
R) Ex hoc nunc et usque in saeculum.
V) Domine exaudi orationem meam.
R) Et clamor meus ad te veniat.
V) Dominus vobiscum.
R) Et cum spiritu tuo.
OREMUS. (Super vestimenta).
Domine Jesu Christe, qui tegumen nostrae mortalitatis induere dignatus es, obsecramus immensam tuae largitatis abundantiam, ut hoc genus vestimenti, quod sancti Patres ad innocentiae et humilitatis indicium, abrenunciantes huic saeculo ferre sanxerunt: ita bene+dicere digneris, ut hi famuli tui, qui Piae Societatis habitum, piae devotionis affectu, assumere intendunt te intus veraciter induere mereantur. Qui vivis et regnas in unitate etc.
R) Amen.
~
OREMUS. (Super cingulum).
Deus, qui ut servus redimeres, Filium tuum per manus impiorum ligari voluisti, bene+dic, quaesumus, cingula ista, et praesta, ut famuli tui, qui eis velut ligamine poenitentiali sui corporis cingentur, vinculorum ejusdem Domini Nostri Jesu Christi perpetuo memores exsistant, et in Ordine quem assumunt, constanter perseverent tuisque eum effectu semper obsequiis se alligatos esse cognoscant. Per eumdem Dominum nostrum etc.
R) Amen.
Si aspergono indi tre volte i giovani e le vestimenta, dicendo (il Padre):
Ant. Asperges me, Domine, hyssopo, et mundabor: lavabis me, et super nivem dealbabor.
Intona, dopo, il Veni Creator.
HYMNUS.
Veni, Creator Spiritus,
Mentes tuorum visita,
Imple superna gratia,
Quae tu creasti pectora.
Qui diceris Paraclitus,
Altissimi donum Dei,
Fons vivus, ignis, charitas,
Et spiritalis unctio.
Tu septiformis munere,
Digitus Paternae dexterae,
Tu rite promissum Patris,
Sermone ditans guttura.
Accende lumen sensibus:
Infunde amorem cordibus:
~
Infirma nostri corporis
Virtute firmans perpeti.
Hostem repellas longius,
Pacemque dones protinus:
Ductore sic te praevio
Vitemus omne noxium.
Per te sciamus da Patrem,
Noscamus atque Filium,
Teque utriusque Spiritum
Credamus omni tempore.
Deo Patri sit gloria
Et Filio, qui a mortuis
Surrexit, ac Paraclito,
In saeculorum saecula. Amen.
Finito il quale soggiunge:
V) Emitte Spiritum tuum et creabuntur.
R) Et renovabis faciem terrae.
OREMUS.
Deus misericors, Deus clemens, cui cuncta bona placent, sine quo nihil boni incohatur, nihilque boni perficitur: adsint nostris humillimis precibus tuae pietatis aures; et hos famulos tuos, quibus in tuo sancto nomine habitum Piae Societatis imponimus, a mundi impedimento, vel saeculari desiderio defende; et concede eis ut in hoc sancto proposito devote persistere et remissione peccatorum percepta, ad electorum tuorum valeant pervenire consortium. Per Dominum .....
R) Amen.
~
E qui il Padre veste il primo dicendo a voce intelligibile:
Quando lo spoglia,
Exuat te Dominus veterem hominem cum actibus suis.
R) Amen.
Quando gli mette l'abito,
Induat te Dominus novum hominem qui secundum Deum creatus est in justitia et sanctitate veritatis.
R) Amen.
Quando gli mette il cingolo,
Praecingat te Dominus cingulo puritatis et extinguat in lumbis tuis humorem libidinis, ut maneat in te virtus continentiae et castitatis. Per Christum Dominum nostrum.
R) Amen.
Quando gli mette la cotta,
Dealbet te Dominus et mundet cor tuum ut in sanguine Agni dealbatus, gaudiis perfruaris sempiternis.
R) Amen.
Vestito il primo, passa il secondo e così per gli altri.
Finita la vestizione si recita:
V) Salvos fac servos tuos.
R) Deus meus, sperantes in Te.
V) Mitte eis Domine auxilium de sancto.
~
R) Et de Sion tuere eos.
V) Nihil proficiat inimicus in eis.
R) Et filius iniquitatis non apponat nocere eis.
V) Domine exaudi orationem meam.
R) Et clamor meus ad te veniat.
V) Dominus vobiscum.
R) Et cum spiritu tuo.
OREMUS.
Maiestatem tuam, Domine, suppliciter exoramus ut famulos tuos, quibus de tua gratia praesumentes nostrae Congregationis habitum imposuimus: digneris inter discipulos tuos virtute ex alto induere, justitiae lorica munire, et salutis protegere vestimento, ut intercedente Sancto Paulo Apostolo tuo, sub humilitatis veste tibi perseveranter deservientes ad stolam immortalitatis et gloriae pervenire mereantur. Per Dominum nostrum etc.
R) Amen.
Si canta allora il Salmo 15:
SALMO 15.
Conserva me Domine, quoniam speravi in te. * Dixi Domino: Deus meus es tu, quoniam bonorum meorum non eges.
Sanctis, qui sunt in terra ejus, * mirificavit omnes voluntates meas in eis.
Multiplicatæ sunt infirmitates eorum: * postea acceleraverunt.
Non congregabo conventicula eorum de
~
sanguinibus: * nec memor ero nominum eorum per labia mea.
Dominus pars hæreditatis meæ, et calicis mei: * tu es, qui restitues hæreditatem meam mihi.
Funes ceciderunt mihi in præclaris: * etenim hæreditas mea præclara est mihi.
Benedicam Dominum, qui tribuit mihi intellectum: * insuper et usque ad noctem increpuerunt me renes mei.
Providebam Dominum in conspectu meo semper: * quoniam a dextris est mihi, ne commovear.
Propter hoc laetatum est cor meum, et exultavit lingua mea: * insuper et caro mea requiescet in spe.
Quoniam non derelinques animam meam in inferno: * nec dabis sanctum tuum videre corruptionem.
Notas mihi fecisti vias vitae, adimplebis me laetitia cum vultu tuo: * delectationes in dextera tua usque in finem.
Gloria Patri etc.
V) Confirma hoc Deus quod operatus es in nobis.
R) A templo sancto tuo, quod est in Ierusalem.
V) Dignare me laudare te Virgo Sacrata.
R) Da mihi virtutem tuam contra hostes tuos.
V) Ora pro nobis, Sancte Paule Apostole.
R) Ut digni efficiamur promissionibus Christi.
~
OREMUS .
Deus, qui corda fidelium Sancti Spiritus illustratione docuisti: da nobis in eodem Spiritu recta sapere et de eius semper consolationibus gaudere.
Concede nos famulos tuos, quæsumus, Domine Deus, perpetua mentis et corporis sanitate gaudere et gloriosa beatæ Mariæ semper Virginis intercessione, a præsenti liberari tristitia et aeterna perfrui lætitia.
Deus, qui multitudinem gentium beati Pauli Apostoli praedicatione docuisti: da nobis, quaesumus, ut cuius commemorationem colimus, eius apud te patrocinium sentiamus.
Per Dominum....
R) Amen.
V) Dominus vobiscum.
R) Et cum spiritu tuo.
V) Benedicamus Domino.
R) Deo gratias.
Il Padre allora dà la Benedizione:
Benedictio Dei omnipotentis, Patris + et Filii et Spiritus Sancti descendat super vos et maneat semper.
R) Amen.
~