MESSA
ORAZIONE DI GESU' NELL'ORTO
La messa ci ricorda l'orazione che Gesù fece nell'orto degli Ulivi con la sua agonia e sudor di sangue. Impariamo dal Divin Redentore a non lamentarci delle divine disposizioni e a non abbandonare mai la preghiera quando il Signore ci prova colle tribolazioni, ma sopportare tutto in espiazione dei nostri peccati, onde meritare la grazia e la forza di seguire fedelmente Gesù nella sua Passione per poter seguirlo poi nella gloria.
Introito. Cor meum conturbatum est in me, et formido mortis cecidit super me. Timor et tremor venerunt super me.
Sal. Salvum me fac Deus quoniam intraverunt aquae usque ad animam meam. V). Gloria Patri.
Orazione. Domine Jesu Christe, qui in horto verbo et exemplo nos orare docuisti ad tentationum pericula superanda: concede propitius, ut nos orationi semper intenti, ejus copiosum fructum consequi mereamur: Qui vivis.
Epistola. Lectio Epistolae beati Pauli Apostoli ad Hebraeos.
Fratres: Christus non semetipsum clarificavit ut pontifex fieret: sed qui locutus est ad eum: Filius meus es tu, ego hodie genui te. Quemadmodum et in alio loco dicit: Tu es sacerdos in aeternum secundum ordinem Melchisedech. Qui in diebus carnis suae preces, supplicationesque ad eum qui possit illum salvum facere a morte, cum clamore valido et lacrimis offerens, exauditus est pro sua reverentia: et quidem cum esset Filius Dei, didicit ex iis, quae passus est, oboedientiam: et consummatus, factus est omnibus obtemperantibus sibi, causa salutis aeternae, appellatus a Deo pontifex juxta ordinem Melchisedech.
~
Graduale. Repleta est malis anima mea, et vita mea inferno appropinquavit.
V). Aestimatus sum cum descendentibus in lacum, factus sum sicut homo sine adjutorio.
Tratto. Exaudi me, Domine, quoniam benigna est misericordia tua.
V). Et ne avertas faciem tuam a puero tuo: quoniam tribulor, velociter exaudi me.
V). Ne discesseris a me: quoniam tribulatio proxima est: quoniam non est qui adjuvet.
Vangelo. Sequentia sancti Evangelii secundum Lucam.
In illo tempore: Egressus Jesus ibat, secundum consuetudinem, in montem Olivarum. Secuti sunt autem illum et discipuli. Et cum pervenisset ad locum, dixit illis: Orate ne intretis in tentationem. Et ipse avulsus est ab eis quantum jactus est lapidis, et positis genibus orabat dicens: Pater, si vis, transfer calicem istum a me: verumtamen non mea voluntas, sed tua fiat. Apparuit autem illi Angelus de caelo, confortans eum. Et factus in agonia, prolixius orabat. Et factus est sudor eius sicut guttae sanguinis decurrentis in terram.
Offertorio. Salvum me fac, Deus: quoniam intraverunt aquae usque ad animam meam.
Secreta. Huius sancti sacrificii meritis fac nos, quaesumus, Domine, divina institutione formatos curam orationi tam efficaciter impendere: ut Jesus Christus Filius tuus in exitu nostro vigiles nos, et a culpa solutos inveniat: Qui tecum.
Comunione. Vigilate et orate, ut non intretis in tentationem: spiritus quidem promptus est, caro autem infirma.
Dopo Comunione. Refecti alimonia caelesti, supplices te rogamus, Pater omnipotens: ut, per unigeniti Filii tui orationis virtutem, nos in tantis corporis et animae periculis constituti, ad caelestia regna secure pervenire mereamur. Per eundem Dominum.
~